Երեխաներ, իմ խորհուրդը ձեզ՝ սիրեք ածականները: Մի՛ պահեք ձեզ էս անտանելի երկվորյակների՝ Մարկոյի և Միրկոյի պես, որ ծիծաղում են դրանց վրա: Երեկ, օրինակ, նրանք պետք է ածականներ ընտրեին մի քանի գոյականների համար:
Այս ավազակները գրել էին. «Կապույտ սերմ, կանաչ ձյուն, սպիտակ խոտ, քաղցր գայլ, չար շաքարավազ, հասած երկինք…»:
Ու մեկ էլ հանկարծ անտանելի որոտ լսվեց. «Գը՜մփ-գը՜մփ»: Էս ի՞նչ էր: Ոչինչ. էս երկինքը լսեց, որ ինքն արդեն հասել է, որոշեց, որ տանձ ու խնձորի նման գետնին պիտի թափվի: Վերևից հո չընկա՜վ: Տունը փլվեց, փոշու ամպ բարձրացավ: Հրշեջներն եկան, շատ չարչարվեցին, հազիվ էս անտանելի երկվորյակներին փլատակների տակից հանեցին: Բա նրանց կարել-կարկատելն ինչ դժվար էր, ախր նրանք մասերի էին բաժանվել: Երկինքն էլ մի կերպ իր տեղը դրեցին, որ ծիծեռնակներն ու ինքնաթիռները կարողանան այնտեղ թռչել:
Առաջադրանքներ
- Կարդա’ հեքիաթը և նկարազարդի՛ր։
- Հեքիաթից դո՛ւրս գրիր գոյականները ու դրանց համար անսպասելի ածականներ ընտրիր:
խնձոր-կարմիր խնձոր
տանձ-քաղցր տանձ
ձյուն –սպիտակ ձյուն
խոտ-կանաչ խոտ
գայլ-քաղցած գայլ
ինքնաթիռ-մեծ ինքնաթիռ
ծիծեռնակ-գեղեցիկ ծիծեռնակ
- Ինքդ նմանատիպ հեքիաթ հորինի’ր «Կանաչ ձյունը», «Քաղցր գայլը», «Չարաճճի շաքարավազը» կամ էլ նախորդ առաջադրանքի բառազույգերից մեկով։
«Քաղցր գայլը»
Լինում է չի լինում մի գայլ է լինում։Նա շատ է սիրում քաղցր ուտեստներ,հատկապես կոնֆետներ ։Մի օր իր ճանապարհին հանդիպում է վախկոտ նապաստակին ։Գայլը հարցնում է նապաստակին չի տեսել արդյոք իր ճանապարհին կոնֆետներով լի ծառ նա շատ քաղցած է։Նապաստակը զարմանում է , որ գայլը իրեն չի ցանկանում ուտել ուրախ պատասխանում է , որ անտառի խորքում կոնֆետներով լի ծառ է տեսել իր ճանապարհին ցույց է տալիս ու փախչում , իսկ գայլը ուրախ վազում է անտառի խորքը ։
- Ի՞նչ կլիներ, եթե երկինքը հասներ։
Եթե երկինքը հասներ , ինչպես ծիրանենին այդ դեպքում երկնքից քաղցր ,կարմրաթուշ ծիրաներ կթափվեին երկրի վրա և մենք ամբողջ տարի կհամտեսեինք այդ պտուղները։
- ,,Երկինք,, բառի սկզբնատառերով գոյականներ գրիր։ Գրածդ բառերը փորձի՛ր միավորել մեկ նախադասությամբ։
Ե ելակ
Ր Րաֆֆի
Կ կաղին
Ի ինքնաթիռ
Ն նկար
Ք քար
Րաֆֆին կաղնու ծառի տակ քարի վրա նստած նկարում էր ելակի թուփը,իսկ ինքնաթիռը երկնքում թռչում էր։